29/04/2017

Gañadores curso 2016/2017

Final XVIII Premio Luis Freire

Un traballo científico para determinar ata que punto a lúa inflúe no comportamento dos organismos, titulado "Somos lunáticos… mito ou realidade?", e un estudo para comprobar se o armiño e a donicela están presentes na Serra do Courel foron os primeiros premios nas dúas modalidades, Educación Primaria e Educación Secundaria, da XVIII edición do Premio Luis Freire de investigación Científica na Escola.

Pasadas as once da mañá do 29 de abril de 2017, comezou a fase final deste Premio que tivo lugar na Domus da Coruña. Os e as candidatas responsables dos seis traballos finalistas fixeron unha presentación pública diante de máis de 120 persoas que abarrotaron a sala Leonardo da Vinci do museo coruñés.

A continuación detállase o dictame do Xurado:

Modalidade de Educación Primaria:
- Primeiro premio: Somos lunáticos… mito ou realidade?, presentado por María del Carmen Fernández de Castro, do Colexio Valle-Inclán I, de Ferrol, por cuestionar crenzas populares e a intensidade, calidade e interdisciplinaridade do traballo científico.

- Segundo premio: ¿Tienen los caracoles la misma respuesta de comportamiento ante obstáculos de tamaño y forma diferentes?, presentado por Isabel Espiñeira Suárez, do CPI Castro Baxoi de Miño, pola calidade do traballo en grupo, destacando especialmente o deseño do experimento en colaboración.

- Terceiro premio: É eficaz colocar unha bolsa chea de auga na ventá dunha casa para impedir a entrada das moscas á mesma?, presentado por Mar Domínguez Pacheco, do CEIP Vicente Otero Valcarcel, de Carral, por poñer en cuestión feitos que se dan por certos.

Modalidade de Investigación Científica en Educación Secundaria:
- Primeiro premio: Hai armiño e donicela no Courel?, presentado por Antía Álvarez González e Rebeca Piacentini Fuentes, do CPI Poeta Uxío Novoneyra, Folgoso do Courel, pola dificultade do traballo de campo e o esforzo crítico á hora de valorar a metodoloxía empregada.

- Segundo premio: Como inflúe a alimentación das galiñas na túa tortilla?, presentado por Rosalía Díaz Cordido, Suevia Jácome Belay e Iria Coego Lareu, do IES Laxeiro, de Lalín, pola calidade metodolóxica e a utilidade das súas conclusións.

- Terceiro premio: ¿Son efectivos los ácidos contra el Anisakis?, presentado por Blas Lafuente Gómez, do Colegio Obradoiro, da Coruña, polo valor de enfrontar e publicar un resultado contrario á hipótese de partida, así como a calidade do documento presentado.

O xurado estivo presidido, por delegación do Sr. D. Alcalde da Coruña, por Francisco Franco del Amo, director técnico do Aquarium Finisterrae do Concello da Coruña.

E estivo constituido, ademais, por Dna. Genoveva Capeáns Amenedo, profesora de Educación Primaria no Colegio Santa María del Mar de A Coruña, D. Carlos de Paz, profesor de Ciencias en Educación Secundaria no IES Sardiñeira de A Coruña e profesor asociado da Universidade da Coruña, D. Félix Sánchez Tembleque, enxeñeiro industrial no Centro de Innovación Tecnolóxica en Edificación e Enxeñería Civil e profesor asociado na Escola de Enxeñeiros de Camiños da Universidade da Coruña, D. Javier Novelle Secades, presidente da Asociación de Amigos da Casa das Ciencias, e Dna. Susana Pérez Castelo, coordinadora de comunicacións dos Museos Cientóficos Coruñeses.

D. Leopoldo García Sobrado, coordinador do Premio, actuou como secretario do xurado.

---------------
10/04/2017

Finalistas 2017

O comité de selección do XVIII Premio Luis Freire de Investigación Científíca na Escola, reunido o día 7 de abril de 2017, acordou seleccionar como finalistas os seguintes traballos:

Modalidade Educación Primaria
- É eficaz colocar unha bolsa chea de auga na ventá dunha casa para impedir a entrada das moscas á mesma?
Presentado por Mar Domínguez Pacheco. CEIP Vicente Otero Valcarcel. Carral.
- ¿Tienen los caracoles la misma respuesta de comportamiento ante obstáculos de tamaño y forma diferentes?.
Presentado por Isabel Espiñeira Suárez. CPI Castro Baxoi. Miño
- Somos lunáticos... mito ou ciencia?
Presentado por María del Carmen Fernández de Castro. Colexio Valle-Inclán I. Ferrol

Modalidade Educación Secundaria
- Hai armiño e donicela no Courel?
Presentado por Lourdes González Sotelo. CPI Poeta Uxío Novoneyra. Folgoso do Courel. Lugo
- Como influe a alimentación das galiñas na tua tortilla?
Presentado por Xusto Calvo Peña. IES Laxeiro. Lalín
- ¿Son efectivos los ácidos contra el Anisakis?
Presentado por Consuelo Gajino Cousillas. Colegio Obradoiro. A Coruña

---------------
29/11/2016

XVIII Convocatoria

Aberta a convocatoria para o curso 2016/2017 do Premio Luis Freire de Investigación Científica na Escola. O prazo para presentar preguntas remata o 13 de XANEIRO DE 2017.

A participación pode ser a través de dúas modalidades. A primera dedicada a proxectos de investigación científica realizados nas aulas de Educación Primaria. A segunda para alumnos de Educación Secundaria.

Os premios comprenden, ademáis de diversos aparellos tecnolóxicos (como iPad Air ou iPad mini), unha visita especial ao Aquarium Finisterrae para os premiados na modalidade de Primaria, e a presentación dos traballos gañadores nas dúas modalidades na feira científica Galiciencia, Ourense, en novembro de 2017.




13 XAN 2017 | Fin do prazo de presentación de preguntas.

03 ABR 2017 | Fin do prazo de presentación das memorias dos traballos.

15 ABR 2017 | Daranse a coñecer os traballos finalistas en cada modalidade.

29 ABR 2017 | Presentación pública dos traballos finalistas no salón de actos da Domus. Ditame do Xurado e entrega de premios.


© 2017, Museos Científicos Coruñeses (Concello da Coruña) | Comentarios e suxestións